Ar dan dros y Gymraeg ? Hoffech chi gyfle i weithio gyda sefydliad blaengar sy’n hyrwyddo a datblygu’r defnydd o’r Gymraeg yn Sir Conwy?
Swyddog Maes Ardal Wledig (Dyffryn Conwy) cyfnod mamolaeth.
Fel rhan o dîm swyddogion maes y Fenter byddwch yn gyfrifol am arwain gwaith maes Menter Iaith Conwy yn ardal Dyffryn Conwy. Amcan y gwaith yw creu cyfleoedd i ddefnyddio’r Gymraeg yn gymdeithasol. Bydd hyn yn cynnwys gweithio efo plant a phobl ifanc a phwyllgorau ardal (yn cynnwys Llanast Llanrwst a Phenmachno) o fewn y diriogaeth.
Cyflog: rhwng £24,702 i £25,119 (pro rata) a phensiwn.
Oriau: Rhwng 14 a 21 awr yr wythnos( i’w drafod efo’r ymgeisydd llwyddiannus)
Gwylia: Cychwyn ar 24 dydd. Dydd Gŵyl Dewi a rhwng Nadolig a Chalan yn ychwanegol.
Lleoliad: Swyddfa Menter Iaith Conwy, Llanrwst a gweithio hyblyg o adref.
Am fanylion a disgrifiad swydd neu sgwrs cysylltwch efo meirion@miconwy.cymru
Neu ewch i’r wefan https://miconwy.cymru
Dyddiad Cau 25ain Tachwedd. Cais drwy lythyr a CV.
Swydd Ddisgrifiad Swyddog Ardal Wledig (Dyffryn Conwy)
1. Cefndir
1.1 Sefydlwyd Menter Iaith Conwy ym mis Medi 2003 yn dilyn diddymu Menter Iaith Dinbych-Conwy a fu mewn bodolaeth ers 1998. Mae dalgylch y Fenter yn cydweddu â ffiniau’r Cyngor Sir sydd yn ymestyn o’r glannau i berfeddion cefn gwlad.
1.2 Prif nod y Fenter yw hyrwyddo a datblygu’r defnydd o’r Gymraeg o fewn ffiniau Sir Conwy. Cyflawnir hyn drwy’r amcanion isod:-
- Normaleiddio’r defnydd o’r Gymraeg drwy ymestyn y cyfleoedd sydd ar gael i’w defnyddio ym mhob agwedd o fywyd
- Sicrhau fod cyfleoedd ac anogaeth ar gael i fewnfudwyr ddysgu’r Gymraeg ac i drigolion cynhenid ddatblygu eu gwybodaeth ohoni
- Sicrhau fod yr holl ystod o weithgarwch cymdeithasol, economaidd, diwylliannol ac addysgiadol yn cael eu cynnal yn y Gymraeg neu’n ddwyieithog
- Codi ymwybyddiaeth o’r iaith ymhlith trigolion y sir a chynyddu ei phroffil cyhoeddus.
1.3 Mae gweithgareddau’r Fenter yn cynnwys:
- Cynorthwyo’r sector gwirfoddol i gynyddu’r defnydd o’r Gymraeg
- Hwyluso gweithgareddau cymdeithasol, diwylliannol ac addysgiadol i bobl o bob oed
- Darparu cyfleoedd hamdden i blant a phobl ifainc
- Cynyddu’r defnydd o’r iaith a chodi hyder siaradwyr Cymraeg
- Annog y di-Gymraeg i fabwysiadu agweddau cadarnhaol tuag at yr iaith a hyrwyddo cynlluniau i gymhathu mewnfudwyr
- Darparu cyfleoedd i ddysgwyr ddefnyddio’r Gymraeg yn gymdeithasol
- Hyrwyddo ymgyrchoedd marchnata i godi proffil yr iaith
- Codi ymwybyddiaeth ymhlith rhieni newydd a darpar-rieni o bwysigrwydd trosglwyddiad iaith yn y cartref
- Hyrwyddo addysg Gymraeg
- Gweithredu fel canolfan wybodaeth ac adnoddau
- Gweithio mewn partneriaeth â chyrff cyhoeddus ar gynlluniau strategol sy’n effeithio ar gyflwr yr iaith
- Cyfrannu i strategaethau adfywio cymunedol ac economaidd
- Codi proffil y Fenter yn y wasg a’r cyfryngau
- Cydweithio â Mentrau Iaith eraill yn rhanbarthol a chenedlaethol er mwyn rhannu arferion da
- Cynnig hyfforddiant ymwybyddiaeth iaith
Atebolrwydd:
Bydd y Swyddog Ardal Wledig (Dyffryn Conwy) yn atebol o ddydd i ddydd i’r Prif Swyddog a thrwyddo Bwyllgor Rheoli Menter Iaith Conwy.
Prif Gyfrifoldebau’r Swydd:
Gwaith Maes
- Hybu ac ehangu’r defnydd o’r Gymraeg yn ardaloedd gwledig Sir Conwy
- Annog mewnfudwyr i’r ardal i ddysgu Cymraeg
- Cynnal a chynorthwyo Pwyllgorau Ardal Llanrwst, Capel Garmon, Penmachno a Glan Conwy eu cynorthwyo i adnabod anghenion eu cymunedau. Ei cynorthwyo i drefnu gweithgareddau sydd yn cryfhau defnydd o’r Gymraeg Gymraeg. Ystyried sefydlu pwyllgorau newydd lle mae yna alw ac fod adnoddau yn caniatáu
- Ffurfio partneriaethau lleol gyda mudiadau megis y Ffermwyr Ifainc, Merched y Wawr, yr Urdd, Mudiad Ysgolion Meithrin, Papurau Bro, er mwyn darparu cyfleoedd cymdeithasol i ddysgwyr ddefnyddio’r Gymraeg
- Sicrhau bod cyfleodd ar gael i blant a phobl ifanc i gael profiad o weithgareddau cyfrwng Cymraeg
- Datblygu hyfedredd i sicrhau ffynonellau nawdd ychwanegol er mwyn ymestyn y gwaith ar draws yr ardaloedd gwledig
- Darganfod a gweinyddu cronfeydd ariannol bychain a chanolog er mwyn cynorthwyo’r cynllun (cynnigir hyfforddiant).
- Cynorthwyo gyda gwaith cyffredinol y Fenter gan gynnwys cyflwyno ceisiadau am bach am nawdd ar gyfer prosiectau
- Cynorthwyo efo clybiau ieuenctid /aelwydydd
- Hyrwyddo gwaith y menter trwy’r wasg a chyfryngau cymdeithasol
- Rheoli staff llawrydd sydd yn weithredol efo cynlluniau gwahanol a chlybiau ieuenctid /aelwydydd
- Paratoi asesiadau risg ar gyfer digwyddiadau maes (cynnigir hyfforddiant).
Rhinweddau Personol Dymunol
Gwaith Maes
- Yn berson ymrwymedig i’r Gymraeg ac yn frwdfrydig dros ei hyrwyddo
- Yn gallu trefnu gwaith heb gyfarwyddyd uniongyrchol
- Yn gallu gweithio’n effeithiol fel aelod o dîm neu’n annibynnol
- Yn gallu cydweithio ac eraill
- Yn drefnus ac effeithiol, ac yn meddu ar sgiliau cyfathrebu da
- Yn rhugl ddwyieithog – ar lafar Cymraeg a Saesneg
- Yn meddu ar sgiliau technoleg gwybodaeth dda
- Y gallu i yrru car yn hanfodol
- Bydd rhaid cofrestru gwiriad drwy’r Gwasanaeth Datgelu a Gwahardd GDG a Mynychu hyfforddiant Amddiffyn Plant a Gwaith Ieuenctid.
- Byddai profiad o weithio gyda phlant a phobl ifainc yn fanteisiol.
- Profiad o weinyddu cyllid yn ddymunol.
Amodau a Thelerau:
4.1 Bydd cynaladwyedd hir-dymor y swydd yn ddibynnol ar sicrhau cyllid digonol ac ar adolygiadau perfformiad boddhaol. Bydd y cytundeb cychwynnol yn cael ei gynnig hyd diwedd y flwyddyn ariannol presennol efo golwg ar ei ymestyn. Swydd dros cyfnod mamolaeth yw hon.
4.2 Lleolir y swydd yn swyddfa Menter Iaith Conwy yn Llanrwst. Mae modd gweithio yn hyblyg at hyd at 50% o adref efo cytundeb y Prif Weithredwr.
4.3 Oriau gwaith arferol y swyddfa yw 9.00 a.m. – 5.00 p.m., ond oherwydd natur y swydd disgwylir i’r sawl a benodir weithio’n aml gyda’r hwyr ac ar benwythnosau. Cynigir amser in lieu yn lle hynny drwy gytundeb â’r Prif Swyddog.
4.4 Cynigir 24(pro rata) diwrnod o wyliau yn ystod y flwyddyn yn ychwanegol at wyliau statudol – bydd hyn yn codi i 29(pro rata) diwrnod am bob blwyddyn o wasanaeth. Mae’r cyfnod rhwng Nadolig a Chalan yn cael ei rhoi fel gwyliau ychwanegol yn ogystal â Dydd Gŵyl Dewi.
4.5 Telir cyflog ar y raddfa £24,702 i £25,119 pro rata yn ddibynol ar brofiad. Oriau’r Swydd, rhwng 14 a 21 awr yr wythnos, i’w drafod efo’r ymgeisydd llwyddiannus. Byddwn yn cyfrannu tuag at Gynllun Pensiwn Menter Iaith Conwy a thelir costau teithio ar 52.2c y filltir.
Ffôn – (01492) 642357
E-bost – Meirion@miconwy.cymru
